Lydia

Scha William Shakespeare vess tscherchà ün oter nom per sia Julia, schi tilla vess el sgüra nomnada “Lydia”. Ün’istorgia fulminanta davart üna duonna e persunalità svizra remarchabla e scorta, intretschada in ün s-chandel epocal: Lydia Welti-Escher, nada ils 10 lügl 1858 ill’Enge a Turich, morta ils 12 december 1891 a Champel sper Genevra, fautura e fundatura da la fundaziun Gottfried Keller ed üna da las duonnas las plü richas dal 19avel secul da la Svizra. Ün monodrama dad ün’ura be tensiun. Documentaziun e revista da cundiziuns da vita enorm intensivas e da sömis d’amur nunaccumplits (e nunaccumplibels) d’üna duonna emancipada e ferma chi ha fat navruotta adonte – e forsa causa - da tuot las circunstanzas – ün’istorgia chi rest’actualischma.