50 HERTZ

Via libra per las revoluziunarias, per las duonnas cun cugliuns – e roboters da sex, sü la tenda per 50 Hertz. L’ouvra nouva da Fitzgerald & Rimini celebrescha las seccaturas: disturbaders fastidius e disturbis eterics, ün’armoni‘amabla da seccaballis –
i schuschura e sgrizcha e tschübla in eufonia armonius-maladattada. Il muschunar da 50 hertz da la rait europeica da la forza eletrica es la basa per üna musica da l’apparaintamaing na-plaschaivel, per la bellezza dal disturbi in l’uraglia. E precis listess esa cullas figüras da duonnas e lur istorgias chi vegnan quintadas. Quellas provocheschan, as dostan o fan navruotta i’ls mumaints decisivs – sco per exaimpel Walentina Tereschkowa, la prüma duonna i’l cosmos. Seis svoul malgrataja e listess dvaint’la l’icona da la navigaziun spaciala sowjetica. Bel es apunta quai chi fa inchambuorrar. Ün eviva a la molestaziun.