ACHTERBERG & BAND: «ALL THE WORLD IS GREEN»

Acturs invilgian suvent a musikers — perquai cha la musica tocca uschè immediatamaing. Davo tants monologs e tocs da teater ha vöglia per üna jada eir l’actur Jaap Achterberg da’s exprimer cun vusch chantonta: Portà da la gruppa da musica unica e grondiusa „tom and the waiters“ as fatschenda el da las balladas e‘ls texts da Tom Waits. Sia vusch melanconica es sco fatta aposta per las chanzuns da quist songwriter legendar american. Mo Achterberg nu copcha a Waits, na, el dà üna taimpra nouva e tuottafat singulara a seis songs.