5-6-21
20:30 h, Sala polivalenta Lavin
Theater
CLAIRE ALLEENE - AUS LAUTER LEBENSLUST
Cabaret filosofic da chansons
Esser agen patrun per Claire! Per la prüma vouta suletta sül palc as piglia “la pitschna da las chommas cuortas” (die Kleene mit de kurze Beene) remarchabelmaing bler spazi. Ella chant’e fabulescha cun pical berlinais, siglia da piz a chantun, perda il fil – mo mai a sai svess. Ella svoula sainz’alas, per la paja cun Mozart al clavazin. As placha eir i’l tschêl pro sia nonetta be sabgentscha, eir quella üna femnina raffinada, schabain oriunda da temps tuottafat differents, chi dvainta uschè reala chi para be ch’ella saja resüstada per ün mumaint. Il prüm program solo da Claire cribla e sbuorfla da chanzuns scrittas svessa, dad intermezs catastrofals da sot e da bunas dumondas davart il sen e l’absurdità da la vita – surprendent, fin e perguajà.
Reservaziuns sun cusgliadas. Oblig da portar mascrinas dürant l’inter’occurrenza.
Cun
Judith Bach (Gö)
Cornelia Montani (Redschia)
