L'AGONIA ED EXTASA DAL STEVE JOBS

Fuormas cleras, design simpel-modest. Apple s‘ha sviluppà dad üna pitschn’ufficina suotterrana ad ün concern global. Mo es la chaschun da quist success propcha la genialità da Steve Jobs? O füssa forsa listess plüchöntsch da verer vers China, pro Foxconn, il furnitur dad Apple? Quia inscuntra ün aderent dad apple a las varts sombras da seis amis electronics. Illa metropola chinaisa Shenzhen vegn el confruntà culs abiss profuonds chi’s divran suot la surfatscha da magïa dad iPhone ed iPad. Quant dalöntsch va il consument per gnir a sia tecnologia bramad-adorada? Il toc offra – our dal punct da vista d’ün i-discipul – ün sguard davo las culissas e demascrescha sainza remischiun las crudeltats chi’s spalancan davo e suot üna marca mundiala chi buolla il lifestyle da nos tschientiner.