Die Lufthunde

Finalmaing: Davo desch ons suna darcheu sün la strada, Ueli Bichsel e Marcel Joller Kunz, ils clowns dal duo «Die Lufthunde». I’ns preschaintan üna sairada inschmanchabla plaina d’emoziuns e muossan episodas e situaziuns da la vita umana chi perdüran per adüna, nu perdan mai lur actualità: Comic, tragic, serain. Ils duos clowns ans muossan ün spejel, ans rendan attent da quant pacca portada cha bler es in nossa vita ed eir quant ridicul. Bichsel e Joller Kunz stan per clowneria grondiusa, frais-cha, stagiunada cun ed in dignità. Sco squisitezza extraordinaria ha il duo cun sai ün pêr classikers sco il nomer absurd-comic da la «s-chaffa fraida». Ün program chi s-choda l’orma a giuven e vegl.