Joachim Rittmyer e’l duo meistertrauffer chi’s cumpuona da la gïunista Anna Trauffer e da l’autur Gerhard Meister han creà insembel üna sairada. Joachim Rittmeyer es A Legend of Swiss Kabarett, e davart il duo plütost amo incuntschaint disch el svess: I giovan cul quotidian, til collian cul fantastic ed han il sensori prezius per sun e tun, per necessità ed expressività. E cun quai cha quai sun tuot capacitats chi caracteriseschan eir a Rittmeyer s‘inscuntran pro quist solo redublà spierts ed ormas chi’s sun fich daspera e chi mantegnan listess lur autonomia, üna constellaziun chi derasa spür plaschair.