Anna Politkowskaja es statta reportra impustüt eir illa guerra in Tschetschenia. Dal lö ha ella rapportà davart ils crims commiss da l’armada russa a la populaziun tschetschena. In tuot il muond es ella gnüda arcugnuschüda per seis curaschi e seis sen express da güstia – in Russia pero e’la gnüda considerada sco “inimia dal pövel“. I’s tratta da l’istorgia vaira d’üna duonna chi nu’s ha laschada corrumper o dafatta müdar malgrà a tuot las imnatschas. Il toc es ün pledoyer per la libertà da s’exprimer chi’ns renda consciaints sül viv ils dubis e las spranzas cha quista duonna ferma e combattanta ha in sia lavur e ch’ella vezza eir sco sia mischiun. Ingaschà, ingüst ed impreschiunant.