Feuerlilie (machöa)

In ün cumün da muntogna imprend’a cugnuoscher la schurnalista Vera ad ün giuven ester. Ella scriv’ün artichel davart la litteratura rumantscha, el ha jertà üna chasa veglia e prouva da sbandir sias algordanzas traumaticas da guerra in quist beamaint. Ils duos s’inscuntran adüna darcheu e fan plan a plan cugnuschentscha. Kalman fa pensar a Vera a sia sour plü veglia Sophia chi viv’eir ella in ün agen muond. Cur cha Sophia tilla fa üna visita, inscuntr’eir ella a quist Kalman misterius. I’s sviluppa üna relaziun inaspettada chi transmüda a tuots duos. Cun purtrets vigurus quinta l’Engiadiasa Gianna Olinda Cadonau da l’inscunter dad umans traumatisats e renda visibel quai chi nu’s lascha dir cun pleds. Quist roman es gnü distint cul premi Studer/Ganz per il meglder manuscript da debüt na amo edi.