27-10-12
20:30 h
Teater cine-patriotic

Freiheit! Eine Misere in fünf Akten

Satira cun musica e chant giò dal tschêl dals dieus

I’l tschêl dals dieus regna la disperaziun e’l sentimaint da navruotta totala: Quant inavant vöglian ils abitants dal planet blau amo ir? La Libertà vain tramissa giò sün terra e prouva da na perder a sai svessa tanter las mantunadas da debits, las bassezzas da la conjunctura, las oasas da wellness, ils taimpels da consüm, e da’s restabilir illas palüts chafuollas da las psichiatrias televisivas privatas.

Knuth e Tucek  persvadan cun impissamaints d’extrema originalità, cun beffa agüzza e cun üna musicalità profuonda. I flaneschan tras nos bel muond, munidas cun üna verva chi tocca sül viv, cun duos vuschs chi pon ir tras pel ed ossa, duos portanotas ed ün orgel da man ed ans regalan hardcoresongs chi han il potenzial — mo chi mai nu dvantaran quai – da hits e cun istorgias, dictadas e scrittas da la vita. I dechantan e s-charplinan cun vuschinas dad anguel e lenguas noschas da diavels ils fenomens actuals dals temps moderns.


Cun
Nicole Knuth
Olga Tucek

Our da l'archiv:
Nicole Knuth
Olga Tucek


  • Deutsch
  • Rumantsch
  • de
  • ru