Grünes Blatt

«Foaie verde», föglia verda – uschè cumainzan bleras chanzuns popularas da la Rumenia. Ils texts suvent nu’s drizzan a persunas, mo a la natüra. La gruppa«Grünes Blatt» ha tschernü consciaintamaing üna avischinaziun odierna ed improvisatorica a quist s-chazi arcaic da chanzuns e tschercha da s-chaffir ün sun e tun chi integrescha eir aignas cumposiziuns. Situaziuns las plü differentas da musica da chombra intima vegnan exploradas a fuond – e las chanzuns resortan e resüstan adüna darcheu cun nouvas instrumentaziuns. Grünes Blatt intuna ils extrems, per tils unir: l’elementar e simpel cul elavurà minuziusamaing, il fixà exactamaing cun l’improvisaziun libra, il furius e crü cul fin e prüvà, il tradiziunal cul nouv.