HEIMAT

Continents as schlouan, pols alguan, milliuns migreschan, uniuns as sfan, tavans mecanics mus-chunan, algoritems regnan, ils ‚inclegilpövel‘ sbeglan – intant cha süls balcuns elvetics flurischan amo adüna ils granis postfactics: Meis dachasa es ingio chi nu vain sigliantà inguotta per ajer. Knuth e Tucek, las raïnas da raquints sombers, schlavazzan sbrinzlas schlaschadas da culur cunter la fatschada d’ün grisch d’atschal d‘Elvezia, s-chantan magöls patridiotics da tössi e migreschan mors da las strias sur tuot ils cunfins da patrias dubiusprüvadas – üna de-revelaziun profuondamaing feminina, ün de-chant a la forza da l’art.