Id intiva inevitablamaing il mumaint chi s’inacordscha: Uossa nu toc eu definitivmaing na plü pro la giuventüna. Che manaja quai? I nu’s riva plü da guinchir – tanter amias in spranza, giuvens vegls chi nu’s mouvan dal flach, conabitantas politisadas e politisantas, tanter ideals etics ed experienzas realas – a la dumonda davart autonomia e dependenzas, davart la rolla da la duonna i’l temp odiern e da noss dovairs invers il passà. Fats quotidians as collian bod sainza chi’s bada cun dumondas da taimpra fundamentala davart la vita e l’identità. D’inrar ch’inchün punctuescha in maniera talmaing scharmanta e concisa il minz e l’essenza da tematicas actualas e politicas – e quai cun üna fulminanza retorica chi sbrinzla. Cun quist program ha guadagnà Lisa Christ il premi Jungsegler.