Id es cuort avant las vacanzas da stà. Tuot ils uffants quintan dals viadis chi faran, be Ida brich, ella resta a chasa. Tschels uffants tilla rian oura e fan schnöss dad ella. Ida as zoppa in üna dschuffa da laina davo chasa. Our d’ün toc lain as s-chalpnesch‘la seis utschè predilet, üna giazza, per ch’ella nu saja plü suletta. E decida da partir eir ella in vacanzas. Cun assas chi sun perquai suot as s-chaffisch‘la ün muond da fantasia. Ida e la giazza rivan eir in pajais chi nu dà gnanca sülla culla dal muond e passaintan aventüras las plü incrediblas. Il bap tilla chatta illa dschuffa e till‘observa. Tuot in üna vouta sa’l rier eir el darcheu e’s lascha tschüffer da la fantasia dad Ida.