IRAQI ODYSSEY

Bombas, guerra, homens barbus filantats, duonnas veladas chi scuffuondan, citats in muschna: L’Irak dad hoz illas medias occidentalas. In cuntrast a quist imagi stan purtrets dals ons 50 e 70: Films cun musica frivola, duonnas sainza vela a l’università, homens vestits in maniera eleganta a Bagdad, üna cità moderna. Co esa gnü a da quella? Il redschissur premià svizzer Samir quinta l’istorgia da sia famiglia globalisada, irakaisa e burgaisa chi viva sparpagliada ad Auckland, a Moskau, a Londra, a Buffalo NY… Davo la premiera a Berlin ed avant cha’l film vegn dat liber per ils kinos in Svizra til muossaina in ün’avant-premiera a Lavin. Il redschissur Samir es preschaint e respuondarà a Vossas dumondas davo la projecziun.