Colin Vallon de-structurescha il clavazin
Il pianist Colin Vallon suna e giova culs caracteristics dal clavazin solo. Il clavazin, amplifichà e schlargià cun effets electronics, sdaisda ad otra vita. El sorta da sia chabgia e dvainta spazi vast. L’exteriur dvainta l’interiur e’s fua suot ils chantins. I’s bada la respiraziun dals urtaders, il cloccöz dals martelins, il briclar da las parts resunatoricas. Il clavazin as transmüda, as schlada sco üna creatüra fantastica. Colin Vallon e l’instrumaint dvaintan ün’unità. Il pianist plücha ils chantins sco pro ün’arfa, batta süllas parts da lain sco sün ün tambur, prepara-alienescha quist chaistun massitsch. Seis möd d’unir clings lirics cun investigaziun musica(la) es d’üna natüralezza frais-cha chi tschüffa e tocca.