14-11-21
11:00 h
La Voutina: Teater da famiglia

KLEINER RIESE STANISLAS

Ün teater da palperi per grond e pitschen a partir da ses ons

Probe Figurentheater Lupine 2009. © Manu Friederich

Che voul inchün chi’d es uschè pitschen ch’el ha lö in üna crousla da nusch? Crescher natüralmaing. E che ha’l da far per crescher? Mangiar. Mangiar bler. E precis quai fa il pitschen Stanislas. El mangia. E dvainta grond. E nu rafüda plü da crescher. El es ün, duos, na, perfin divers cheus plü grond co tuot tschels – e tuot til dvainta massa stret. Stanislas es sul sulet. Aint il circus es el bain il star, ma amis nun ha’l ingüns. El voul ir davent. Mo ingio ir ? El nu sa. Simplamaing gualiv oura, adüna gualiv oura. Grazch’a l’amicizcha cun üna furmia bada Stanislas tuot in üna vouta cha esser grond sa e po esser grondius, e – ch’el es qualvoutas eir fich pitschen. Ün’istorgia fina davart l’esser different, raquintada cun palperi.

Dürada: ca. 50 min.

Lingua: Dialect svizzer

Entrada: Uffants 5.- frs, creschüts 20.- frs


Cun
Kathrin Leuenberger (Gö ed equipamaint)
Sibylle Heiniger (Inscenaziun)

Our da l'archiv:
Kathrin Leuenberger


  • Deutsch
  • Rumantsch
  • de
  • ru