S-charsdà da forz’electrica, mancanza da persunal qualifichà, deficits da fuormaziun, opportunitats da sfügir al dovair da pajar impostas: L¨ccas! Adüna e dapertuot daja loccas. Ed aint in quellas as lantschan Patti Basler e Philippe Kuhn, spiritusamaing, poeticamaing, cun musica. O eir in möd satiric, mordaint e malizius. Davo “Instrucziun frontala” (Frontalunterricht) e “Repeter” (Nachsitzen) vegnan implidas amo las ultima(tiv)as loccas da fuormaziun dal public stimà cun quist terz program cumplain dal duo. O almain tschegnadas, manzunadas, muossadas. E chi chi nun es pront da lair gnir plü scort as po rier almain il puckel plain .