La Nova

Il proget il plü nouv da Corin Curschellas ha nom «La Nova» ed es üna scuverta. Chanzuns tradiziunalas rumantschas vegnan guardadas culs ögls d’hozindi e tschüffan üna plazza nouva in quista cuntrada tradida. L’inscunter da tschinch capacitats excepziunalas es ün cas da furtüna. Las influenzas las plü differentas s’unischan armonicamaing. Il curraint musical as tschercha sa via qualvoutas in cuntradas arcaicas, lura darcheu in cuntradas odiernas. La chanzun populara tradiziunala ha seis lö sper las balladas e las chanzuns da taimpra elavurada. I’s revelescha ün cosmos da clings multifar chi po gnir s-chaffi be grazch’a maestria, innovaziun e sen per l‘original. «La Nova» s-chalpnescha vi da grips erratics, scuvrischa sedimaints fin uossa zoppats e renda früttaivel darcheu cuntradas abandunadas. I dess clingir sco l’imagna da quai cha la randulina vezza cur ch’ella tuorna otezzas al tschêl sur las muntognas. Il muond muntagnard our da la perspectiva da l’utschè – ün muond elementar be asprezzas, vastezzas e bellezzas.