5-5-24
11:15 h, LaVoutina
Gö auditiv live
LENCHENS GEHEIMNIS
Ün teater auditiv chi sgrizch’e sbarbuoglia
Lena sto ir urgiaintamaing pro üna diala! Quai cun seis genituors, quai nu va plü uschè. Dimena, Lena s’inclegia fich bain cun seis genituors, almain fin chi nu sun da different avis. Mo quai suna apunta vaira suvent. Qua faja dabsögn dad alch versin magic. La diala Francisca Segndadumonda po güdar per furtüna. Lena tschüffa duos züchers magics ch’ella po masdar aint i’l tè a mamma e bap adascus. E da quinderinavant capit’alch enormischem scha quels tilla cuntradischan… Las duos acturas Irene Müller e Ruth Huber tschüffan il public per til manar in ün’aventüra sonoclingïainta. Sün basa da l’istorgia “Lenchens Geheimnis” da Michael Ende sviluppan ellas ün gö auditiv live per uffants. Cun lur vuschs e da tuotta sorts mezs magics fana cratschlar motors, svolazzar utschels, bajar a nanins – üna delizch’a tadlar e cuntemplar per tuot la famiglia. A partir da 7 ons.
Dürada: 45 min.
Cun
Irene Müller und Ruth Huber (Concept e gö)