Il sudà baratta cul diavel sia gïa per ün cudesch chi imprometta l’acquist da grondas richezzas. El sto muossar eir a sunar la gïa al diavel infra trais dis. In vardà passan pero trais ons – uschè cha’l sudà vala sco desertör. L’actur Jaap Achterberg as fua da la rolla da narratur illa pel dal sudà e dal diavel – e fa viver l’istorgia da quist cumbat dals duos protagonists be cun la magïa da sia vusch. Per l’adattamaint da la part musicala s‘han servits ils trais musikers da l’adaptaziun cha Strawinsky ha elavurà svessa l’on 1919 per gïa, clarinetta e clavazin ed han rimplazzà il clavazin cun ün orgel da man.