MA FURTÜN'AM SPÜZZA

Tuots sbiattan per ragiundscher la furtüna, ma la furtüna suvent nun es là ingio cha nus eschan güsta. Claudine però nu’s sfadia. Ella s‘instrafotta da la furtüna. Ella sta sco eremita d’aigna voluntà in la 14 Rue de Moulin, üna giass’orba. In ün battibuogl be puolvra. Mo Claudine es üna duonna veglia chi’ns fa star stuts, üna persuna chi zoppa davo seis möd asper ün esser uman cordial, ün’allegria fina da vita ed üna glüschur chi’ns lascha invlidar si’ot‘età. Marjolaine Minot dà vita a quista figür‘amabla cun üna blerüra da finessas e fatschettas. Ma furtün’am spüzza es üna delicatezza teatrala combla da scharm, ironia e cumplaschaivlezza.