Madame stellt ein Klavier in die Alpen

Üna sairada chi’s basa illa malincletta, üna sairada cun chanzuns da quai chi’ns fa plaschair, da sumbrivas da marüschlas e dal schuschuröz da ventins, da chommas da lain, da decleraziuns vanas e vödas, da brümblas d’utuon, da demunis e draguns – ed adüna darcheu da l’amur – da prümas amurs,  dad amurs na accumplidas, amurs bramadas, bellas, persas, aquistablas, dischillusas, eir dad amours fous. Melodias cuntschaintas e chanzuns estras: l’üna prepotenta e sfrenada, retgnüda e dezainta tschella, üna vouta scuraschà e be da bassin, l’otra vouta dadot e grob. Madame lusingianta ans carmala e’ns surmaina, guidada e portada, sustgnüda, sfidada e provochada da l’hom al clavazin. In discordia e plain tensiuns tegna’l cunter, as dosta‘l, dubitescha’l, metta’l in dumonda, per sieuer lura subit darcheu a las passivas da Madame.

La sairada es üna producziun dal Theater Ariane.