Üna mamma ans quinta da sa figlia, oszillond tanter admiraziun, attitüda possessiva e vanagloria da sai svess. I’l möd da s’exprimer dals immigrants rumens – stilisà ad üna lingua d’art ed artificiala – ans main’la in ün muond da circus e manescha brigliont. Glüschur e glamur sun qua dachasa precis sco eir tristezza ed increschantüm. Il tun narrativ apparaintamaing liger e suolv vain interruot adüna darcheu dad algordanzas da la dictatura e da la fügia chi fan sgrischir. Dad Aglaja Veteranyi.