L’istorgia tuna sco sch’ella füss ün roman, mo l’es vaira. Ella tratta dal figl da ravarenda Andreas Walser (1908-1930) da Cuoira chi’d es i illa metropola d’art e da la brama per dvantar artist e „tuottafat frances“ – Paris. Walser d’eira fich talentà, hypersensibel, vizià da morfium – e’l predilet dal muond travaschà d’art da Paris. A Tavo vivaiva in quist temp Ernst Ludwig Kirchner. Daspö il 1927 ha tramiss Walser chartas e fotografias da sias ouvras a quist expressiunist important tudais-ch. Kirchner ha realisà subit il talent da Walser e til ha scrit: “Vus eschat il prüm svizzer ch’eu cugnuosch chi‘d ha propch‘idea da la nouva maniera da guardar aint ill’art d’hozindi.“ Graziella Rossi e Helmut Vogel reciteschan parts da la correspundenza tanter quists duos artists, accumpagnats da projecziuns da blerüras da skizzas e disegns da Walser.