MIT DER ZEIT MUSS MAN GEHEN

Ün toc per poppas ed umans 

Quist es üna sairada tragicomica davart il iertar cun taimpra nebulus-surreala. I’s tratta dad uffants creschüts e genituors infantils, da l’impussibiltà da sgombrar la chasa in cumünanza, dal s’impersögnar e dal restar petrifichà da fradgliuns e da la dumonda che chi dvainta da nus cur cha nus abandunain il giardin labirintic da nossa famiglia. Tuots sun gnüts per far uorden, per tour per mans, per planisar l’avegnir. Mo suot l’insaina da la chasa as disfan ils temps, l’esser creschü tschüffa sfessas – e vaira svelt piglian suraman darcheu ils muosters tradits. I s’han jent, schi, e sun malsgürs al listess mumaint schi han insomma amo da’s dir alch i’l preschaint. Sül palc s’unischan poppas ed acturas ad ün ensemble irresistibel.