NÜVLAS SONORAS

Thomas Weiss es constructur da tamburs, musiker ed orais. Lukas Rickli es pianist. Ils duos s’han imprais a cugnuoscher ad ün concert, ingio cha l’ün ha trat a tschel ils tuns vi d’ün fil our dal clavazin. Suvent tils capita chi lessan, schi van ad ün concert, sunar e’s partecipar eir els. Quai tils ha intimats da concipir concerts da’s partecipar. Concerts, ingio cha Vus, il public, ed ün’inter mantun d’instrumaints giovan la rolla principala.

Insembel cun Vus e cun bastunins da bambus, batschigl da far girar il tschincun, calimba, caxixi, chinellas, clavazin cun scrauvs e fils, clavazin da giovaret, cullinas da vaider, faschöla Juju, fuond dal palc, mattas da ris, melodicas, palperi, plats, ranas chi schloppinan, s-chellinas, shrutibox, sopchas, tamburs, tamburs cun sfessas, tuba, uders ed ed ed ed… dvaintan, creschan ed oscilleschan nüvlas sonoras las plü differentas.

Il concert sta suot la guida e la bachetta dals artists; i nu voul ingünas cugnuschentschas musicalas.

Dürada: Circ’ün’ura, sainza posa
Adattà per umans da 4 a 102 ons
Uffants fin 16 ons: 5 frs.; creschüts : 15 e 20 frs