Professor Unrat

«Professor Unrat» es l’istorgia chi ha sco tema il surpassar cunfins da classa chi ha per consequenza üna decadenza sociala. Ed il listess mumaint esa l’istorgia d’üna grond’amur romantica, d’ün’amur chi – in fuond – nu po esser. Il magister da gimnasi, professer Raat, nomnà pero in scoula ed in tuot la cità be «Unrat», sieua üna saira clandestinamaing a seis scolars i’l variété al port «Zum Blauen Engel». Là inscuntra‘l a la chantadura lusingianta Lola. Unrat s’inamurescha fatalmaing – e perda seis cour, la radschun – e bainbod eir sia lavur. El marida a Lola ed usurfrüescha da l’attractività da sia duonna per as svindichar a scolars e cità. Mo il mumaint da triumf glorius, cur ch’el craja d’avair vint a seis contrahents, dvainta eir ün mumaint da scunfitta terribla…