Melodias güdeuas e Tschechow
La Klezmer Kapelye cun Franco Mettler suna melodias güdeuas – allegras e melanconicas al listess mumaint. Ell’accumpogna a Jaap Achterberg chi prelegia ün raquint virtuos dad Anton Tschechow. Caracteristic per seis möd da scriver sun cumprimaziun extrema, vardaivlezza, ardimaint, originalità, e, nu d’invlidar, cordialità umana – quai val’eir per il raquint ‘Rothschilds Geige’. Jakov chi ha 70 ons e fa vaschels viva cun sia duonna Maria in üna citadetta. Cun quai chi mouran be pacs nu stana bain. Qua e là – sch’ün güdeu manca i’l orchester – po’l guadagnar amo ün per pliffers cun sunar sia gïa per güdar oura. El s’agita mincha vouta dal flötist Rothschild dasper sai chi suna eir la melodia la plü allegra in maniera ch’ella tuna trista.