Sabina Spielrein

Freud, Jung e Klein s‘han referits ad ella ed han surtut sias ideas. Ils nazis lura tilla han tut la vita. La psichiatra güdeu-russa Sabina Spielrein (1885-1942) ha fat tras svess in maniera fich expressa las tragedias grondas politicas dal tschientiner passà. In sia vita be dinamica chi tilla ha manada da seis lö natal Rostow a Turich, a Vienna, Berlin, Moskau e darcheu inavo a Rostow es ella dvantada victima dals movimaints fatals da seis temp. Sco paziainta da C. G. Jung es ella rivada illa chasa da narramainta Burghölzli. A Turich ha ella stübgià davo sia guarischiun medicina. Sco psicoanalitrica s’ha ella occupada intensivmaing da la vita da l’orma d’uffants.