SOLDAT KERTÉSZ!

Zoltán chi barbotta vain büttà our d’chanvà adüna darcheu da squitschs, saja quai quel da seis patrun, quel da las aspettativas da la famiglia o da la dressura illa caserna. Mincha vouta pero as sfadia‘l da star sü darcheu e tschercha consolaziun e forza illa lingua. El chi vairamaing nu maestrescha la favella ama ils pleds e tschercha lur poesia. Seis unic ami es il conrecrut grossotel Jenô chi moura dürant ün exercizi militar. Il text tematisescha co cha quels chi nu s‘affan cul sistem vegnan percipits sco debels e buollats ad esser debels. El quinta pero eir da la forza dals debels e co imprender da far quint cun quella. Ils texts da Melinda Nadj Abonji sun gnüts premiats tantas voutas, tanter oter cul Premi dal cudesch svizzer (Schweizerischer Buchpreis) e quel tudais-ch da l’on 2010.