AtemNoten

SDIT GIÒ CAUSA MALATIA DA L'ARTIST

La sairada musico-teatrala es ün’ura da terapia sporta publicamaing, na propcha convenziunala, mo extaisa. Ella suna. Seis instrumaint pud’e boffa. El taidla. Il sunar adüna suletta, virtuosamaing, stanglainta enormamaing a la cliainta Chassot. Ella nu po plü. Qua nu basta ün magöl aua, qua faja dabsögn almain d’ün menü da trais plattanzas per gnir darcheu a forzas. Terapeut da musica Kienberger serva e’s dà enorma fadia per cha sia cliainta possa recuperar l’energia da vita persa. El as referischa a l’exaustaziun ed a l’intschertezza chi’ns circundà adüna e dapertuot, fa reflecziuns filosoficas davart il fenomen aua, davart il respirar da l’instrumaint - e da l’uman chi til suna. Mo impustüt vegna fat musica: cul arpret, cul clavazin, cun magöls, cul aquafon e – natüralmaing – cul orgel da man. Cun astuzch’e be paschiun carmalesch’il terapeut a l’interpreta da la musica classica premiada ed onurada illas domenas dal pop e rock. Id improviseschan, sotan, sunan, sun our da flà – dalöntsch davent da notas, dalöntsch davent dal stret da chattar il flà in quist muond.