Il pittur svizzer-talian Antonio Ligabue es nat a Turich sco uffant illegitim d’ün’immigranta. Bain svelt ha’l dat in ögl cun seis “cuntgnair imbecil”, es rivà in üna chasa per uffants disturbats e plü tard in psichiatria. Cun deschdot ons e’l gnü expulsà cunter vöglia da la Svizra in Italia. Aint il toc sfuondra Marco Michel aint il passà da Ligabue. El disegna purtrets d’ün format grond ed aintra in dialogs dramatics cun quels. Uschè as sviluppan ils disegns a partenaris dal gö – e’l public dvainta perdütta da l’existenza d’ün uman scugnuschü. Fine finale s‘alvainta la dumonda scha la nardà es reala o presumptiva pro figüras nonconfuormas – respectivamaing la dumonda che società cha quai saja chi ha dabsögn da s-chatschar umans a l’ur.