Der Trafikant

Austria 1937: Franz Huchel, ün giuvnot da 17 ons, banduna seis cumün natal per tscherchar sia furtüna a Vienna sco giarsun in üna butietta da tabac e gazettas. Là inscuntra’l a Sigmund Freud ed es fascinà immediatamaing dad el. I’s sviluppa ün’amicizcha insolita tanter els duos. Cur cha Franz s’inamurescha sainza furtüna illa ballarina da variété Anezka tschercha’l sustegn pro’l professer vegl. Ma per il psicoanalitiker da renom mundial es il sexo feminin ün misteri precis sco per il giuvnot. Pers as saintan ils duos eir in fatscha a las relaziuns politic-socialas chi dvaintan dramaticamaing precaras. E Franz, Freud ed Anezka vegnan sdrappats inevitablamaing i’ls buogls da quai chi capita.