In l’exposiziun vain raquintada la legenda d’üna duonna giuvna, Philomela, chi intiva a l’ester in üna situaziun traumatica. Philomela nu s’inairischa pero i’l trauma, ella chatta vias per cuntinuar seis viadi. L’istorgia tratta da l’esser müt e da pussibiltats da s’exprimer, da praschunia e da deliberaziun, da surpassar cunfins e dal crescher e finischa culla metamorfosa da la duonna in üna randulina. La randulina chi oscillescha tanter il qua e’l lontan es d’ün’importanza immensa per l’Engiadina.
L’artista Insa Verbeck intretscha in seis tessü la simbolica engiadinaisa cun üna legenda antica da las «metamorphosae» dad Ovid, d’üna rischlada antica da mitos chi han per tema müdada e transfuormaziun.
Insa Verbeck s-chalpnescha quist’istorgia cun sculpturas, lirica e reliefs textils.