Speak Low

La chantadura Lucia Cadotsch, distinta cul premi «ECHO Jazz 2017», interpretescha insembel culs campiuns dal retrofuturissem Petter Eldh (gïun) ed Otis Sandsjö (saxofon tenor) üna collecziun da bellezza strana da «traditionals» moderns sco Gloomy Sunday, Strange Fruit e Moon River. Il special da quist trio es chi nu dà ni ün instrumaint da ritem ni ün dad armonia. Ils trais dispuonan da tuot quai chi fa dabsögn per interpretar quists songs bellischems in üna maniera autochton-excitant-odierna. Qua dodast il saxofon e tü pensast ad ün «vintage-synth», là clingian ils chantins e’l lain dal gïun sco ils «kicks e claps» d’üna maschina da sound 808. Ma: «No effects, it’s a band» — e dal rest üna chi riva da giovar cun tuot e chi fa quai eir cun gust. E d‘immez laint e süsuroura la vusch da Lucia Cadotsch, independenta, directa, sainza far stravias, sco ün instrumaint ed üna narratura in d‘üna.
Vital, minimalistic e sinfonic! Raw like Ceviche!