Ün hom decida ün di, e quai consciaintamaing ed ufficialmaing, da far da quinder inavant bel ed aposta tuot be plü suotsura, cun quai chi nu til grataja inamöd mai da far alch sco chi tocca.. La logica da l’insolit maina a connexs inaspettats. Jens Nielsen fabulescha e fantasescha, es politicamaing incorrect e s’insömgia d’ün muond ingio cha chans sun ils mezs da transport publics ed ingio chi’s balla – impe da cun musica – a la mütta.
Vairamaing as tratta d’üna descripziun d’üna psicosa qualifichada ed expressa – mo sco performance sül palc es quai ün spectacul retoric-absurd-comic da rier e cridar (al listess mumaint).