Jens Nielsen maisda nos muond ad ün battibuogl bizar in üna maniera lusingianta cun si’artistica da pleds e d’impissamaints. «I’s sföglia tras sia vit’umana e’s constata: Dapertuot sun capitadas robas chi nu sun pussiblas», disch il raquintader chi quinta si’aign’istorgia. Ed el quinta dad ün disturbi ch’el haja in seis tscharvè. Cha quel as haja sviluppà in üna maniera disgrazchada. Quai pretendan almain ils meidis. La consequenza es üna zavrada dal narratur in plüssas persunas. Inqualchünas da quellas imprendaina a cugnuoscher. Perche cha our da quellas as generescha’l danouvmaing – almain prouva’l da far quai. In maniera suverana passainta’l uschè las aventüras las plü straordinarias. Üna sairada da teater fantastica davart l’insai absurd da surviver e da’s far valair.
Bar e cassa a partir da las 18:00 h