GSTÖRT

Co as manifesta l’esser surdumandà global pro l’individuum? Che pigliaina per mans scha nus vain da tmair da perder la controlla? E co guardan oura nossas tentativas da far uorden i’l dischuorden ed i’l müdamaint perpetuà? Da quistas dumondas as preoccupan Ueli Bichsel ed Anna Frey. Els dan vusch in lur toc ‚Gstört‘ ad umans chi’s laschan increscher d‘ün muond simpel, survisibel e cler. I muossan ils mecanissems chi mainan ad üna desorientaziun e malsgürezza circumprendenta. Quai funcziuna il plü bain cun üna buna purziun d‘umur e comica e cun integrar eir il grotesc-bainvugliaint. I rivan da tratgnair e da trattar profuondamaing a l‘istess mumaint dumondas da portada socio-politico-filosoficas.