Stucky Solo

Erika Stucky chanta e cratschla, gübla e bubla, giubilescha e jodlescha, tuot ils cunfins tanter jazz, pop e folclora sun spürs invids da tils negleger. Sia vusch dvainta gïun cun ün ostinato da groove, dvainta sbrai fer d’ün utschè. Da San Francisco, d’ingio ch’ella es nada e tratta sü ils prüms ons, fa la famiglia bainbod müdada i’l cumün valesan Mörel. Chapitala mundiala là, cumünet muntagnard qua. Hippies e flower power qua, paurs e società da costüms là. Precis quistas confruntaziuns inspireschan ad Erika Stucky per seis programs. In «Suicidal Yodels» dvainta üna chanzun da jodel ün «Swiss Voodoo» o ün blues alpester. Ne cunfins  ne retgnentschas nu cugnuosch’la, cur chi’s tratta dad integrar fuormas musicalas tradidas e cumposiziuns estras in seis univers. Tuot quai es adüna plain tensiun, stachi da surpraisas e combel d’umur – eir scha’l rier resta minchatant pichà illa gula.