I va per raps ed i va per l‘amur. Daplü nu douvra. Il «daplü» vegn da sai: La furtüna forsa – o i’l cas dal giovader da Fjodor M. Dostojewskij impustüt la disfurtüna. Quella cula sco rascha giò sur ils protagonists e tacha. Ed il plü suspect: Eir schi vain discurrü da l’amur aint il roman culla plü gronda paschiun, i nu dà gnanc’ün bütsch, eir scha’ls raps sun ün tema omnipreschaint e sempitern, i nu vain gnanc’ad il acquist dad ün’unica zigaretta.
O cun oters pleds: L’istorgia sur da la paschiun desastrusa pel gö e sur da las painas d’infiern da la relaziun d’amur cumplichada tanter Polina ed Alexej.