Alch ston Els savair: Auguste Bolte savaiva che ch’ella vulaiva. Desch umans van tuots illa listessa direcziun. „Qua sto capitar alch“, conclüda – furbra sco ch’ella es – Auguste Bolte e decida: Dai e sieuer! E cun quai cumainza üna chatschaduoira sainza congual in sia logica e comica. Teater absurd? – Na plü absurd co la vita svessa. La vita svess dvainta nempe muossadra e scoul‘ota per Auguste Bolte, l’università quasi, ingio cha Auguste Bolte voul far seis doctorat, il docter da vita, dr. vit. – per uschè dir. Chi tilla sieuan sün sia chatscha da las sensaziuns presumptivas da la vita.