Robert Walser e la metropola Berlin: Üna cuntradicziun? In ingünas manieras. Spazi da fricziun? In mincha cas. E cun quai materia a tamfun per ün gö litterar da chombra d’üna taimpra tuottafat speciala. Aint ils texts da Walser davart Berlin inscuntraina ad ün giuvnot chi’s schlaffa – muni cun 20 marcs imprastats ed üna naïvità incumparabla – illa bratscha dalla «giganta». Che ris-ch. Ün agir aventüriesc, sfruntà, schi, in ün tschert sen mortal. E, sco’l prinzi da la tarabla, ha’l da superar varsaquantas sfidas. Ün ommagi «microfonà» a la metropola tudais-cha ed al scriptur svizzer.