SCHÖNHOLZER & SCHÖNHOLZER

Schönholzer reflettescha davart Schönholzer – ed el scuvrischa duos vuschs in seis pet. L’üna voul salvar il muond. Tschella voul giaschair plüchöntsch plü lönch a bunura. I cumainz’üna cuntaisa davart ils differents anguls da vista – ed ün dispittöz per la favur dal public. Chi guadogna? Davo 90 minuts intensivs da vi e nan es cler be alch: Duos uschenas sco il Schönholzer daja be üna jada. Markus Schönholzer es ün comiker fin e spiritus – ed ün observatur bainvugliaint ed alleger. Ed el chanta in maniera fich seriusa da la menda umana, dal serrar ils ögls e dal far straverer. E listess sun seis songs d’üna ligerezza airusa – el parta cun nus si’ignoranza fingià bod in üna maniera voluptusa. I manca quella savurin’amara pedagogica. Forsa cha pervi da quai til sieuaina uschè jent in sia tschercha sempieterna da la furtüna.